Futbollistet e Turqisë dhe ato të Kosovës, do të përballen në Izmir, ka njoftuar të martën Federata e Futbollit të Turqisë.
Kjo është ndeshja e kthimit “play-out” e Ligës B të Ligës së Kombeve dhe do të zhvillohet më datën 28 tetor.
Dyja kombëtaret synojnë fitoren, pasi Turqia kërkon qëndrimin në Ligën B kurse Kosova ngjitjen në këtë nivel nga Liga C e kësaj gare të UEFA-s.
Kombëtarja e drejtuar nga Sami Sermaxhaj e përfundoi edicionin e Ligës C në vendin e dytë në grupin e saj, ku në ndeshjen vendimtare barazoi me Letoninë, duke i dhënë kësaj të fundit mundësinë e promovimit direkt në Ligën B.
Sipas formatit të garës, dy ekipet më të mira të vendeve të dyta në Ligën C përballen me dy ekipet më të mira të vendeve të treta nga Liga B, me synimin për të siguruar një vend në Ligën B për ciklin e ardhshëm të kualifikimeve.
Ndeshja e parë ndërmjet Kosovës dhe Turqisë, do të luhet më datën 24 tetor, katër ditë më vonë është dueli i kthimit në Turqi.
