Kombëtarja e Kosovës në futboll ka zhvilluar sot stërvitjen e parë në kuadër të përgatitjeve për ndeshjet miqësore ndaj Çekisë dhe Andorrës.
Kosova do të luaj kundër Çekisë më 31 maj në Pragë, kurse pret Andorrën në “Fadil Vokrri” më 7 qershor.
“Atmosferë shumë pozitive në kamp, me energji të re, përkushtim maksimal dhe fokus të plotë për vazhdimin e zhvillimit dhe rritjes së ekipit tonë kombëtar”, thuhet në njoftimin e FFK-së pas stërvitjes së parë.
Selektori i Kombëtares së Kosovës, Franco Foda, të hënën ka publikuar listën e lojtarëve të ftuar për ndeshjet miqësore.
Foda ka ftuar 25 futbollistë por në mesin e tyre nuk janë edhe Amir Rrahmani e Vedat Muriqi.
Megjithatë, pjesë e listës janë emrat e rijnë si Dardan Shabanhaxhaj, Valmir Matoshi, Rilind Nivokazi kurse Bersant Celina është rikthyer.
