Kombëtarja U21 e Kosovës ka shënuar fitore shumë të thellë 7:0 ndaj San Marinos.
Ndeshja u luajt të martën në stadiumin “Fadil Vokrri” në Prishtinë dhe i takoi kualifikimeve për Evropianin që mbahet në vitin 2027 në Shqipëri e Serbi.
Për Kosovën U21 ishte fitorja e parë në këto kualifikime.
“Dardanët” e rinj tre gola i shënuan në pjesën e parë kurse katër të tjerë në pjesën e dytë.
Eliot Bujupi e realizoi golin e parë në minutën e 12-të. Katër minuta më pas, Leon Frokaj, e shënoi golin e dytë.
Hekuran Berisha në minutën e 20-të shënoi për 3:0. Berisha e shënoi edhe golin e katërt në minutën e 59-të.
Realizatori i golit të pestë ishte Lirim Jashari në minutën e 62-të. Për 6:0 shënoi Julind Selmonaj në minutën e 75-të dhe golin e fundit e realizoi Frokaj tetë minuta më pas.
Kosova U21 ka katër pikë në vendin e katërt në Grupin A.
Në muajin nëntor, Shpresat e Kosovës do t’i kenë edhe dy ndeshje të tjera kualifikuese.
Të dyja i luan në udhëtim, ndaj Qipros dhe Finlandës.
