Kosova pësoi humbje nga Zvicra në çerekfinale të FIBA Kampionatit Evropian, Divizioni B, për meshkuj U20.
Në një sfidë kryesisht të baraspeshuar, Dardanët e rinj pësuan 72:61 (20:15, 20:23, 14:11, 18:12).
Në pjesën e parë u zhvillua luftë e madhe për çdo top, ku çereku i parë përfundon 20:15 në të mirë të Zvicrës, derisa i dyti 20:23 për Dardanët, për të shkuar në pushim me rezultat 40:38.
Edhe perioda e tretë ishte e niveluar 14:11, kurse në atë të fundit, Zvicra ruajti dhe shtoi epërsinë për të fituar 72:61.
Erolt Rrahmani kishte 12 pikë e nëntë kërcime, derisa nga 13 pikë shtuan Rron Dahsyla dhe Arlind Konjuhi.
Kosova të shtunën do të luajë për vendet 5-8 me Britaninë e Madhe.
