Futbollistet e Kosovës U17 kanë pësuar humbje të thellë në ndeshjen e parë të fazës finale të kualifikimeve për Evropianin “Suedia 2024”.
Të mërkurën, Kosova U17 pësoi me rezultatin 5:0 nga Finlanda. Kjo ndeshje i takoi Grupit 2 të Ligës A, turne ky që po zhvillohet në Portugali kurse në këtë grup janë edhe Islanda e Portugalia.
Jelena Todoschenko shënoi “hat-trick” për Finlandën, ndërsa nga një gol e shënuan edhe Laura Oksanen e Bella Alto.
Pas duelit me Finlandën, Kosova do t’i luajë edhe dy ndeshje tjera. Të shtunën, luan me Portugalinë kurse me Islandën përballet më datën 27 shkurt.
Shtatë ekipet më të mira të Ligës A, do t’i bashkohen Suedisë në turneun final të Evropianit që do të mbahet në muajin maj (5-18).
