Krejt kjo do të bëhet përmes një shteti tjetër, me të cilin shumë shpejt pritet të arrihet marrëveshja e cila do ta mundësojë blerjen e këtij kartoni.
E për një gjë të tillë, një delegacion i udhëhequr nga guvernatori i BQK-së, Fehmi Mehmeti e drejtori i Byros Kosovare të Sigurimit, Sami Mazreku do të qëndrojnë të enjten në Bruksel .
Kjo për të marrë autorizimin nga Këshilli i Byrosë Evropiane për një gjë të tillë.
“Nuk jemi shumë larg ne duhet të marrim leje nga Bruksel që të marrim autorizimin për një marrëveshje tjetër, e derisa më shtetin tjetër e kemi shumë afër, nëse kjo ndodhë gushtin e dhjetorin e shohim bisedime teknike, Kurse nga janari nuk do te kemi sigurimi kufitar kjo nuk është vetëm për bashkatdhetarët por edhe për ne pasi që nuk kemi nevojë më ble një sigurim qoftë në Greqi apo Bullgari, sepse janë shumë shtyrjet e blejmë një karton të gjelbër dhe ajo vlen për të gjithë sistemin”, ka thënë Mazreku.
E nga arritja e një marrëveshje të tillë sipas njohësi të ekonomisë, Besnik Avdijaj do ketë përfitime të shumta.
“Përfitimet kryesore të qenit pjesë e Kartonit të Gjelbër pra vendeve që janë anëtare të këtij kartoni janë në mos pritjet e gjata të atyre që hyjnë në Kosovë apo ne që dalim nga Kosova edhe në aspektin ekonomik është një kosto më e vogël për qytetarët të Kosovës që lëvizin në drejtim të vendev që janë pjesë e kartonit të gjelbër..”, ka vlerësuar Avdijaj.
Pajisjen më karton të gjelbër e shohin të rëndësishëm edhe mërgimtarët.
“Kartoni i gjelbër është shumë i rëndësishëm për neve diasporën, nuk është në pyetje 20 euro por kur të dalësh është problem pa karton te gjelbër. Sidomos pritja ato 5 minuta 10 ato 5 minuta me karton te gjelbër i kalon”, tha mërgimtari Rafet Ibrahimi.
“Mendoj që është mirë më pas kartonin e gjelbër sepse unë jetoj në Angli dhe kur të vijë me karton nuk kam nevojë mu ndal e më pagua ekstra sigurim”, tha një mërgimtare.
Pati edhe të tjerë të cilët nuk e shohin si shumë primare këtë dokument.
“Po për neve që jemi këtu nuk është shumë më rëndësi e për ata që vijnë ka rëndësi. Na kemi punë shumë më të mëdha”, tha një tjetër qytetar.
Pjesë e sistemit të Kartonit të Gjelbër Kosova synon të bëhet përmes një shteti tjetër pasi nuk është anëtare e Organizatës së Kombeve të Bashkuara.
Raporti i gazetares Doresa Geci.
