Këtë e ka bërë të ditur përmes një njoftimi në Facebook, Banka Botërore e Kosovës.
“Kosova është renditur e 34-ta nga 190 shtete të analizuara në raportin e ri të Bankës Botërore: Gratë, Biznesi dhe Ligji 2022. Ajo ka shënuar 91.9 nga 100 pikët e mundshme. Ky raport mat ligjet dhe rregulloret në tetë fusha që ndikojnë në pjesëmarrjen ekonomike të grave: Lëvizshmëria (kufizimet në lirinë e lëvizjes), Vendi i punës (ligjet që ndikojnë në vendimet e grave për të punuar), Pagesa (ligjet dhe rregulloret që ndikojnë në pagën e grave), Martesa (kufizimet ligjore në lidhje me martesën), Prindërimi (ligjet që ndikojnë në punën e grave pas shtatzënisë), Ndërmarrësia (kufizimet ndaj grave për të filluar dhe menaxhuar biznese), Pasuria (dallimet gjinore në pronë dhe trashëgimi), dhe Pensioni (ligjet që ndikojnë në masën e pensionit të gruas). Kosova ka vlerësimin maksimal në 6 nga këto 8 fusha”, thuhet në njoftim.
Sipas kësaj banke, dy fushat ku nevojiten ende reforma janë Prindërimi dhe Pensioni. /teve1.info/
Njoftimi i plotë:
