Almada e Portugalisë është “stacioni” i parë i xhudistëve tanë nga Kosova për vitin 2023. Nga e premtja e deri të dielën në këtë qytet portugez mbahet gara e nivelit Grand Prix. Gara vlerësohet me rëndësi për të mbledhur pikë për ranglistën botërore, përkatësisht në përpjekje për të siguruar normën olimpik.
Sipas IJF-së në Almada do të garojnë 555 xhudistë apo 200 me shumë se nga viti i kaluarë nga 81 shtete. Numri i madh i xhudistëve është dëshmi se konkurrenca do të jetë e fortë e rruga deri në podium do të jetë e gjatë. Pak gara të vitit të kaluar kanë pasur kaq shumë xhudistë.
Në mesin e 555 pjesëmarrësve nuk do të jenë dy kampionet olimpike nga Kosova, Nora Gjakova e Distria Krasniqi. Trajneri, Driton Kuka ka vendosur të ndryshoj ekip në këtë kompeticion, pasi që synimi për disa nga xhudistët e rinj është të kalitën në garat e forta. Megjthatë, Kosova prapë se prapë është njëra nga shtetet që synon medalje në këtë kompeticion. Medalja në këtë garë pritet që të vije nga Loriana Kuka, Laura Fazliu e Flaka Loxha.
Ndërkaq në kategorinë e djemëve prej xhudistëve, në Portugali garojnë Dardan Cena (73 KG) dhe Shpati Zekaj (100 KG). Ndërsa për shkak të operimit të krahut nga garat ende po mungon Akil Gjakova.
Dardan Cena do të paraqitet për herë të parë në garat e nivelit Grand Prix. Është ky ndryshimi i fundit në strategjinë e trajnerit Kuka. Ai ka vendosur që garuesit më të rinj t’i testojë në gara të forta. Synon që përmes garave të forta të kalit xhudistët e rinj.
Menjëherë më 4 e 5 shkurt mbahet Grand Slami i Parisit, gara më e famshme e xhudos. Dhe në Paris pritet të garojnë edhe dy kampionet olimpike, Nora e Distria.