Kosova e ka përfunduar me humbje një cikël shumë të vështirë kualifikues. Të martën në fushën plot lloç në stadiumin “Fadil Vokrri” në Prishtinë, Kosova pësoi 1:0 nga Bjellorusia.
Kosova përfundun kualifikimet për Euro 2024 në pozitën e parafundit në Grupin I. Prapa ka lënë vetëm Andorrën, e cila ia dha të mbrapshtën në këtë cikël kualifikues.
Në dhjetë ndeshje, Kosova ka mbledhur 11 pikë që i mjaftojnë për vendin e pestë. Bjellorusia me fitore dolin në vendin e katërt me 12 pikë. Rumania ka fituar grupin me 22 pikë, ndërsa Zvicra është kualifikuar si e dyta me 17 pikë. Por Zvicra nuk realizoi synimin për ta fituar grupin.
Izraeli është renditur i treti me 15 pikë, ndërsa Andorra e përfundoi kampanjën kualifikuese me vetëm dy pikë. Synimi i Kosovës ishte kualifikimi në Evropian, por “Dardanët” nuk iu afruan këtij synimi.
Ndeshja është vendosur në minutën e 43-të. Dmitri Antilevski realizoi supergol me goditje nga distanca.
Kosova ka dominuar në fushën shumë të rënduar. Ka pasur edhe raste, por nuk ka shënuar gol. Lojtarët e Kosovës kanë provuar kryesisht me goditje nga distanca, që nuk dolën të jenë efikase.
