Zyra e Presidencës bën të ditur se me miratimin e kësaj deklarate, Kosova rreshtohet krah shteteve të përkushtuara për të drejtat e njeriut dhe sundimin e rendit e ligjit.
“Me këtë Deklaratë, Kosova sikurse edhe shtetet e tjera ka riafirmuar shqetësimin për përdorimin e ndalimit arbitrar nga shtetet për të ushtruar ndikim mbi qeveritë e huaja, veprim ky në kundërshtim me të drejtën ndërkombëtare. Miratimi i kësaj deklarate është hap i rëndësishëm i përmbushjes së zotimeve të bëra nga Presidentja Osmani, në emër të institucioneve të Republikës së Kosovës, në Samitin për Demokraci, iniciativë e presidentit të Shteteve të Bashkuara të Amerikës, Joe Biden”, thuhet në njoftim.
Po ashtu bëhet e ditur se deklarata është iniciativë e Kanadasë. /Teve1.info/
