Kosova udhëheq në ndeshjen e parë të Play-Offit, në Ligën e Kombeve, pas triumfit minimal ndaj Islandës, me rezultat 2:1.
Në stadiumin e mbushur me “Dardanë” në ”Fadil Vokrri”, të zgjedhurit e Franco Fodës, ishin dominues, realizuan dy herë, por duhet t’i falen portierit Aro Muriq, i cili priti disa mundësi nga mysafirët.
Ndeshja në Prishtinë, nisi me dominim të Kosovës që pas 19 minutave kaloj në avantazh me golin e Lumbardh Dellovës.
Por gëzimi i vendësve zgjati shkurt, vetëm tre minuta, pasi kapiteni islandez, Orri Oskarsson, iu shmang mbrojtjes e portierit Muriq, për ta barazuar rezultatin.
Përzgjedhësi Franco Foda bëri zëvendësim të dyfishtë në fillim të pjesës së dytë, duke i dhënë debutimin Vesel Demakut në vend të valon Berishës, dhe duke inkuadruar Emir Sahitin, në vend të Donat Rrudhanit.
Zëvendësimet sollën ryt pasi mesfushori Elvis Rexhbeqaj, shënoj gol të bukur që mbeti goli i fitores, në ndeshjen e parë.
Kosova pati edhe raste të tjera, por rezultati më nuk ndryshoj.
Dueli i kthimit ndërmjet Islandës e Kosovës, luhet të dielën, nga ora 18:00, në Murcia të Spanjës, me fituesin, që mund të ngjitet në Ligën B të Kombeve, derisa skuadra humbëse bjen në Ligën C.
