Bashkimi Evropian si ndërmjetësues i dialogut Kosovë – Serbi, kishte propozuar se rruga tutje drejtë implementimit të marrëveshjes për normalizim, duhet të shkoj në parimin e sekuencimit.
Madje, Qeveria e Kosovës prej kohësh ka insistuar që të ketë një plan të tillë, ku pikat e marrëveshjes së Brukselit dhe Ohrit, kanë edhe një afat kohor deri kur palët duhet t’i zbatojnë.
Kësisoj, pika e katër e marrëveshjes për deeskalim, parasheh që javën e ardhshme BE do të ftoj kryenegociatorët, Besnik Bislimi dhe Petar Petkovic, për të hartuar këtë plan të sekuencimit.
Ehat Miftaraj nga Instituti i Kosovës për Drejtësi thotë se paralajmërimet për arritjen e sekuencimit janë një lajm i mirë, edhe pse ndërkombëtarë këtë e kanë propozuar edhe në Ohër.
Arbër Fetahu nga Grupi për Studime Juridike dhe Politike thotë se pas sekuencimit, palët që nuk zbatojnë planin duhet të përballen me sanksionet ndërkombëtare.
Për dakordimin mes Kosovës dhe BE-së, presidenti Serb Aleksandar Vuciq ka thënë se ndërkombëtarët po kërkojnë arsye për ta fajësuar Serbinë.
