Qeveria e Kosovës, sot ka miratuar dy nisma të iniciuara nga Ministria e Drejtësisë që kanë të bëjnë me Transferim të Personave të Dënuar dhe atë për Ndihmë të Ndërsjellë Juridike në Çështjet Civile ndërmjet Kosovës dhe Kroacisë, transmeton teve1.info
Ministrja Haxhiu theksoi se nisma për marrëveshje Transferim të Personave të Dënuar ndërmjet Kosovës dhe Kroacisë, rregullon ekzekutimin e vendimeve gjyqësore me transferim të personit të dënuar, në rastet kur personi shtetas i shtetit administrues është duke vuajtur dënimin në shtetin dënues dhe kërkon transferim tek shteti administrues me qëllim të rehabilitimit social
Në mbledhjen e Qeverisë, ministrja Haxhiu prezantoi edhe nismën për lidhjen e Marrëveshjes për Ndihmë të Ndërsjellë Juridike në Çështjet Civile ndërmjet Kosovës dhe Kroacisë e cila do të zbatohet për çështjet që përfshijnë procedurat lidhur me gjendjen civile, çështjet familjare, marrëdhëniet e punës, çështjet e pronësisë dhe marrëdhëniet e tjera civile të personave fizikë dhe juridikë.
