Prokuroria Speciale e Republikës së Kosovës dhe Prokuroria e Shtetit të Suedisë do të zgjerojnë bashkëpunimin e tyre në fushën e sundimit të ligjit dhe hetimin e krimit të organizuar.
Kjo u konfirmua gjatë një takimi pune, ku palët u pajtuan të vazhdojnë shkëmbimin e përvojave dhe praktikave në ndjekjen e veprave penale që lidhen me këtë fushë, njofton Prokuroria.
Delegacioni i Prokurorisë së Suedisë, i kryesuar nga prokurorja Jeanette Sprimont, u prit nga prokurorja speciale Habibe Salihi dhe ekipi i saj nga Departamenti për hetimin e Krimit të Organizuar.
Takimi u vlerësua si një hap i rëndësishëm drejt forcimit të partneritetit ndërmjet dy institucioneve dhe rritjes së efikasitetit në betejën e përbashkët kundër kriminalitetit transnacional.
