Këtë e ka bërë të ditur MCC-ja përmes një postimi në Twitter.
“Sot, MCC dhe Qeveria e Kosovës përmbyllën një javë produktive negociatash për një marrëveshje kompakte të propozuar prej 236.7 milionë dollarësh, e krijuar për të forcuar sektorin e energjisë së Kosovës”, thuhet në njoftim.
Sipas njoftimit, investimet e MCC-së janë krijuar për të forcuar sektorin e energjisë, për uljen e kostove të energjisë për familjet dhe bizneset.
“Investimet e MCC-së janë krijuar për të forcuar sektorin energjetik duke nxitur një qasje të drejtuar nga tregu për uljen e kostove të energjisë për familjet dhe bizneset, duke inkurajuar efiçencën e energjisë dhe duke zhvilluar burime të reja të prodhimit të energjisë elektrike. Programi gjithashtu mbështet përpjekjet e Qeverisë së Kosovës për të përmirësuar vendimmarrjen dhe llogaridhënien duke rritur aksesin dhe përdorimin e të dhënave gjyqësore, mjedisore dhe të fuqisë punëtore”, thuhet më tej në njoftim.
Today, MCC & the #Kosovo Government concluded a productive week of negotiations for a proposed $236.7M compact agreement designed to strengthen Kosovo’s 🇽🇰. #energy sector.
For more info about this partnership, visit: https://t.co/0ld4e6Fkfh pic.twitter.com/fgeFRMssxq
— Millennium Challenge (@MCCgov) May 13, 2022
Ndryshe, në ditën e parë të vizitës zyrtare në SHBA, kryeministri i Kosovës, Albin Kurti është takuar me kryeshefen e Korporatës së Sfidave të Mijëvjeçarit (MCC), Alice Albright. Në këtë takim është shënuar fillimi i negociatave me MCC-së për projektin “Kompakt” që parasheh ndërtimin e sistemeve akumuluese të energjisë. /teve1.info
