Ministria e Mbrojtjes së Kosovës dhe ajo e Italisë kanë nënshkruar Marrëveshjen Teknike në Fushën e Mjekësisë Ushtarake.
Kjo marrëveshje është nënshkruar me autorizim të ministrit të Mbrojtjes, Armend Mehaj, zv. komandanti i FSK-së gjeneral major, Enver Cikaqi, në Romë të Italisë, shkruan teve1.info.
“Gjeneral Cikaqi ne cilësinë e udhëheqësit të delegacionit, Kolonel Dr. Xhevdet Tahiraj Komandant i Regjimentit të Mjekësisë në FSK si dhe Edona Abazi Zylfijaj zyrtare për bashkëpunim bilateral si dhe desk oficer për Itali, janë pritur nga Gjenerallejtënant Vito Ferrara, shef në Inspektoratin Gjeneral të Mjekësisë Ushtarake, Admirali C.A Egidio Fracasso shef i departamentit për Politika Mjekësore, Kolonel Luigi Principe shef i degës për Marrëdhënie Ndërkombëtare në fushën e Mjekësisë, Nënkolonel Giuseppe Barone dega e mjekësisë për marrëdhënie ndërkombëtare”, thuhet në njoftimin e Forcës së Sigurisë së Kosovës.
Në njoftim është bërë e ditur se kjo marrëveshje ka për qëllim zgjerimin e bashkëpunimit bilateral mes ushtrive në fushën e shërbimeve ushtarake mjekësore dhe se do jetë çelës i hapjes së dyerve në dimensione të ndryshme mjekësore ushtarake.
“Përveç takimit, stafi i këtij instituti në krye me Gjeneral Morgagnin kishin përgatit një prezantim të përgjithshëm te të gjitha kapaciteteve që ofrojnë përmes vizitave në laboratorët dhe hapësirat e ndryshme brenda objektit të këtij instituti”, thuhet mes tjerash në njoftim. /teve1.info/
