Komisionerja për Zgjerim e Bashkimit Evropian, Marta Kos para takimit të ministrave të BE-së me ata të Ballkanit Perëndimor ka thënë se kur ka rezultate nga këto vend, ata veprojnë.
Ajo ka thënë se në zbatimin e Planit të Rritjes gjithçka po ecën mirë dhe në ditët në vijim do të ndajnë afro 200 milionë euro për Malin e Zi dhe Shqipërinë.
“Kur vendet e rajonit japin rezultate, edhe ne veprojmë. Në zbatimin e Planit të Rritjes gjithçka po ecën mirë dhe në ditët në vijim do të disbursojmë afro 200 milionë euro për Malin e Zi dhe Shqipërinë. Gjithashtu po sjellim rezultate konkrete sa i përket integrimit gradual, pasi, siç e dini, javën e kaluar Serbia iu bashkua Shqipërisë, Malit të Zi dhe Maqedonisë së Veriut në SEPA. Ndërkohë po përgatisim Samitin BE–Ballkani Perëndimor, i cili do të mbahet në Podgoricë më 5 qershor, dhe pres një angazhim shumë të fortë nga të gjithë kandidatët e Ballkanit Perëndimor për të qëndruar të palëkundur në rrugën evropiane”, tha ndër të tjera Kos.
Kosova në këtë takim po prezantohet nga ministri në detyrë i Punëve të Jashtme, Glauk Konjufca.
Ai në një deklarim për media tha se Kosova kërkon trajtim të barabartë dhe të drejtë nga Bashkimi Evropian, duke theksuar se vendi është i gatshëm të ecë përpara brenda një procesi meritokratik./teve1.info/
Konjufca: Kërkojmë trajtim të barabartë e të drejtë nga BE-ja, të nisin negociatat për anëtarësim
