Ish- deputeti i Kuvendit të Kosovës, Visar Korencia i cili i është bashkuar listës së PDK-së bashkë me disa anëtarë të “Koalicionit për Familjen, ka thënë se pas zgjedhje të 28 dhjetorit do të ketë reflektim nga paritë politike dhe se institucionet do të formohen.
Ai ka thënë se nëse paritë politike krijojnë bllokada të ngjashme do të ndëshkohen nga populli
“Nuk pres situatë të ngjashme, nuk pres të kemi bllokim të institucioneve. Besoj se do të ketë reflektim të subjekteve politike që mos të krijohen këso bllokada, sepse do të ndëshkohen fuqishëm nga qytetarët e Kosovës”, ka thënë Korencia në emisionin “InfoNata” në Tëvë1.
Ai është shprehur se nuk duhet të ketë vija të kuqe me subjekteve politike kur është interesi i vendit.
“Shqiptarët duhet të gjejnë gjuhë të përbashkët për interes të vendit dhe çdo herë në kundërshtim me atë që cenon integritetin tonë, në atë çka cenon Kosovën në përgjithësi. Unë mendoj që duhet të ketë bashkëpunim midis subjekteve që të shkohet përpara kur është në interes të vendit”, ka thënë Korencia në emisionin “InfoNata” në Tëvë1.
I pyetur nëse janë edhe për një bashkëpunim PDK – LVV, pas zgjedhjeve, ai ka thënë se nuk janë kundër.
“Absolutisht po, çdo herë kur është në interes të vendit tonë, nuk duhet të ketë vija të kuqe. E ka thënë edhe Bedri Hamza që në përgjithësi nuk ka vija të kuqe. Vijat tona të kuqe të vetme do të jenë, çdo lëvizje apo aktivitet që cenon interesin kombëtar, dhe në këtë duhet të jemi unik”, ka thënë ai.
Visar Korenica e Eman Rrahmani ishin deputetë nga LVV, ku në zgjedhjet e vitit 2021 kishin garuar me këtë parti.
