Më shumë se një javë punëtorët teknikë e ata të sigurimit në Universitetin e Prishtinës e Qendrën e Studentëve kanë hyrë në grevë. Ata po kërkojnë që paga e tyre të bëhet 400 euro. Nga Sindikata e Sektorit Privat bëjnë me dije se të enjten u thye ligji për grevat nga kompania, e me këtë rast po merret Inspektorati i Punës.
Tualete të papastra e korridore me bërllok, kjo është pamja e konviktit numër 5.
Madje, në këtë hapësirë është vështirë të qëndrosh për shkak të kundërmimit që vjen nga papastërtia e tualeteve.
Por jo vetëm ky konvikt, mbeturinat kanë mbuluar edhe konviktet tjera të Qendrës së Studentëve.
Kjo pasi që një javë, punëtorët teknik të kësaj qendre e të fakulteteve të Universitetit të Prishtinës janë në grevë.
Pjesë e kësaj grevë është edhe Hana Aliu, e cila punon si punëtore teknike për 22 vjet.
Ajo thotë se për punën që bëjnë në mirëmbajtjen e Qendrës së Studentëve, marrin një page e cila nuk është e mjaftueshëm.
E një kërkesë ka edhe ndaj kryeministrit të Kosovës, Albin Kurtit.
Të pamjaftueshme pagën prej 290 euro, e ka edhe Nadire Rexhepi.
Grevë janë duke mbajtur edhe punëtorët teknik në Universitetin e Prishtinës.
Por sipas kryetarit të Sindikatës së Sektorit Privat, të enjten u thye ligji për grevën pasi kompania aranzhoi dikë tjetër për pastrimin e konvikteve.
Punëtorët teknikë e ata të sigurimit fizik po kërkojnë që paga e tyre nga 290 euro të bëhet 400 euro.
