Një qytetar është intervistuar nga Policia e Kosovës pasi është zënë duke kontrabanduar nga Serbia në Republikën e Kosovës 10 dhi, 3 dele dhe një qengj, raporton teve1.info
Sipas raportit të Policisë, pas intervistimit, me vendim të prokurorit i dyshuari është liruar kurse bagëtitë janë dërguar në terminalin doganor.
“Fsh. Dumnicë e Poshtme, Podujevë 16.04.2024-09:15. Është ndaluar i dyshuari mashkull kosovar, pasi që i njëjti është vërejtur duke e drejtuar automjetin me targa vendore afër pikës kufitare, duke bartë bagëti dhjetë dhi, tre dele dhe një qengj, të cilat dyshohet se janë të kontrabanduara përmes rrugëve ilegale që kanë hyrë nga Serbia në Republikën e Kosovës. Pas intervistimit me vendim të prokurorit i dyshuari është liruar, automjeti me bagëtitë është dërguar në terminalin doganor. Rasti i është dërguar njësisë DRPK-Veri për hetime të mëtejme”, thuhet në komunikatë.
