Shërbimi Korrektues i Kosovës ka njoftuar se në Qendrën e Paraburgimit në Mitrovicë, gjatë kontrollit të perimetrit të jashtëm nga zyrtarët korrektues janë zbuluar dhe konfiskuar tri pako me kontrabandë.
Sipas ShKK-së, gjatë kontrollit janë gjetur dy telefona Iphone, dy telefona Mini, tri paketime me marihuanë si dhe tri koka të adaptuara për mbushje.
Sipas ShKK-së, dyshohet se kontrabanda është hedhur nga jashtë perimetrit të Qendrës së Paraburgimit në Mitrovicë.
Lidhur me rastin është njoftur policia, ndërsa Qendra e Paraburgimit të Mitrovicës ka nisur hetimet e brendshme./teve1.info/
