Konstituimi i Kuvendit sërish në rrezik

Tentativa e 12-të

Sot (e mërkure) do të mbahet edhe një seancë për konstituimin e Kuvendit, që do të jetë e 12-ta që nga e para kur është mbajtur më 15 prill.

Në seancën që është thirr nga ora 10:00 pritet që partitë të shkojnë më qëndrime të njëjtë.

Në dy seancat e fundit nga kryesuesi i seancës është propozuar votim i fshehtë për kryetar të Kuvendit, që nuk ka kaluar.

Nga partia fituese e zgjedhjeve të 9 shkurtit, Lëvizja Vetëvendosje kanë thënë se votimi i fshehtë është pjesë e votimit të seancës edhe sipas aktvendimit të Gjykatës Kushtetuese.

Ata këtë propozim e kanë arsyetuar duke thënë se ka deputetë nga partitë tjera që janë të gatshëm ta votojnë Haxhiun përmes votimit të fshehtë.

Ky propozim i votimit është kundërshtuar nga PDK, LDK, AAK e Lista Serbe, duke e vlerësuar si shkelje të rregullores ndryshimin e votimit gjatë procesit.

LVV ka deklaruar se nuk e ndërron kandidaten për kryeparlamentare, Albulena Haxhiun, ndërsa që PDK, AAK e LDK kanë thënë se nuk kanë votë për të.

Të martën, kryetari i LDK-së , Lumir Abdixhiku i ka kthyer përgjigje refuzuese ftesës së Albin Kurtin për një bashkëpunim politik.

Deklarimet e deputetëve 

“Absolutisht jo” – Sveçla deklarohet pas propozimit të Abdixhikut për një qeveri tranzicionale

Ministri në detyrë i Brendshëm, Xhelal Sveçla ka deklaruar se nuk është i pajtimit ndaj propozimit të kryetarit të Lidhjes Demokratike të Kosovës, Lumir Abdixhiku për një qeveri tranzicionale.

 Berisha: Nuk ka nevojë me më thirr Abdixhiku në një qeveri të përbashkët me Albin Kurtin, me deshtë e bëj vet

Bekë Berisha nga AAK-ja ka deklaruar se nuk e përkrahë propozimin e kryetarit të LDK-së, për një qeveri tranzicionale.

Ai pak para se të hyjë në Kuvend para gazetarëve tha se nuk pranon të qeverisë në një koalicion ku pjesëmarrëse është edhe LVV-ja.

“Nuk ka nevojë me më thirr Abdixhiku në një qeveri të përbashkët me Albin Kurtin, me deshtë e bëj vet”, tha ai.

Kusari-Lila për propozimin e një qeverie të tranzicionit: Nuk është në rregull

Deputetja Mimoza Kusari-Lila ka thënë se propozimi i LDK-së për formimin e një qeverie të tranzicionit nuk është në rregull.

Sipas saj, një qeveri e tillë nuk lejon llogaridhënie dhe partitë duhet të fokusohen së pari në zhbllokimin e Kuvendit.

”Nuk është në rregull. Nuk lejon llogaridhënie. Së pari, kemi situatën në Kuvend”, ka Kusari.

Musliu: LDK-ja është frikacake, s’merr vendime – e ka lënë Kosovën mbrapa

Deputetja e PDK-së, Ganimete Musliu, ka akuzuar Lidhjen Demokratike të Kosovës, se nga frika parë të marrë vendime e ka lënë Kosovën mbrapa.

Musliu personalisht mendon se LDK-ja s’po guxon të bëhet as me Kurtin e as me PDK-në.

“Qëndrimi im personal si deputete, e si Ganimete, është se LDK-ja gjithmonë duke u frikësuar me marrë vendime e ka lënë Kosovën shumë mbrapa. ‘As nuk shtyhet, as nuk ngrehet’, siç thotë populli. Ata s’po guxojnë të bëhen as me Kurtin as me ne. Duhet të jetë lider që tregon pjekuri dhe pozicione të qarta”, tha Musliu. “Nuk bën PDK-ja, nuk bën Vetëvendosja. Tash ka thënë hajde se po bëhemi të gjithë bashkë. Është me bë hajgare me votën e qytetarëve të Kosovës dhe thjeshtë me thellu edhe më tej krizën politike në vend”.

Peci: Kosova s’ka nevojë për qeveri tranzicionale

1 Zhvillimet brenda Kuvendit 

Kryetari i partisë “Guxo”, Faton Peci deklaroi se Kosova ka nevojë për qeveri stabile. Ai tha se rrugëzgjidhje e vetme mund të jetë një marrëveshje politike për konstituim të kuvendit dhe caktimin e afateve kohore në koordinim me presidenten për mbajtjen e zgjedhjeve të reja.

Para fillimit të seancës konstituive, ku për herë të dymbëdhjetë po tentohet të konstituohet kuvendi, Peci tha se partitë politike mund t’i ftojë Bedri Hamza, e jo partia e tretë apo e katërt, në këtë.

Tags: 12 herëKonstituimi i KuvenditTeve1

ShareTweet

Postime të ngjashme

Arrestohet një 26-vjeçar për armëmbajtje pa leje – Policia gjen pistoletë dhe 28 fishekë

Smajljaj: Kundërshtimi i vendimit të Supremes rrezikon institucionalizimin e Kosovës

Pozhari: Limaj hyn në qeveri, heq dorë nga kryeparlamentari – ndryshim drastik i qëndrimit

I pandehuri Valon Aliu hedh akuza mbi psikiatrin në gjykimin për vrasjen e gruas, Erona Cokli

Arrestohet një 26-vjeçar për armëmbajtje pa leje – Policia gjen pistoletë dhe 28 fishekë

Smajljaj: Kundërshtimi i vendimit të Supremes rrezikon institucionalizimin e Kosovës

Drita skuadra e parë kosovare që siguron kualifikimin në fazën e dytë të Ligës së Kampionëve

Kosova U20 kualifikohet në çerekfinale të Evropianit të basketbollit

Prishtina nxjerr në shitje biletat për ndeshjen ndaj Sheriffit

Pozhari: Limaj hyn në qeveri, heq dorë nga kryeparlamentari – ndryshim drastik i qëndrimit

Emisioni “Këndi i Debatit” 15.07.2025