Paralajmëroi shpeshtim të vizitave të rëndësishme gjatë kësaj jave, në kuadër të dialogut.
Ambasadori britanik, Nicholas Abbott përmes një postimi në Twitter foli edhe për formimin e Asociacionit të Komunave me shumicë serbe.
Sipas tij, është koha që tashmë Kosova të propozojë draft-statutin për Asociacionin, të mbështetur në vizionin që kryeministri, Albin Kurti paraqiti në takimin e 2 majit në Bruksel.
E kjo kërkesë e diplomatit britanik po shihet si pozitive, për herë të parë mund të negociohet në tryezën e diskutimeve propozimi i palës kosovare.
Ai vlerëson se me propozimin e draftit, institucionet e vendit do ta kenë më të lehtë menaxhimin e këtij procesi.
Kurse, analisti politik, Gazmir Raci thotë se Kosova është në epërsi ndaj Serbisë në këtë proces dhe kësisoj duhet shfrytëzuar qasjen pozitive që ka Britania sa i përket formimit të Asociacionit.
Pas më shumë se tri orësh diskutimi më 2 maj në Bruksel, kryeministri Kurti bëri të ditur se nuk u arrit dakordim për formimin e Asociacionit.
Menjëherë pas takimit, ministri i Administrimit dhe Pushtetit Lokal liroi nga detyra Ekipin Menaxhues për hartimin e draft-statutit të Asociacionit.
Kronika e realizuar nga gazetari Lindrit Zejnullahu
