Kryetari i Kuvendit të Kosovës, Glauk Konjufca, ka thënë se vrasja e Jusuf e Bardhosh Gërvallës dhe Kadri Zekës nuk e arriti efektin e dëshiruar të porositësve për vrasjen.
Sipas tij, ndodhi e kundërta, pasi ata u bënë zëri i Kosovës
“Më 17 janar të vitit 1982, Jusuf e Bardhosh Gërvalla dhe Kadri Zeka u vranë në një pritë në Gjermani nga shërbimi sekret serb. Vrasja e tyre nuk e arriti efektin e dëshiruar të porositësve: përkundrazi, ata u bënë zëri i Kosovës. Në atë janar u ndez flaka për të mos u shuar kurrë. Intelektuali, poeti, kompozitori, aktivisti, mërgimtari, ishin identitetet e mbivendosura të shqiptarit politik të Kosovës mbi këta dëshmorë”, ka shkruar Konjfuca.
Ai ka thënë se 42 vjet pas vrasjes së vëllezërve Gërvalla e Kadri Zekës, perspektiva e Kosovës është e qartë.
“Sot 42 vjet pas vrasjes së tyre, perspektiva e Kosovës është e qartë. Përballë influencës ruse në Evropën e sfidave me një Serbi agresive dhe kërcënuese në rajon, Kosova sot është kampione e demokracisë, falë dëshmorëve e heronjve tanë. Lavdi veprës së Jusuf e Bardhosh Gërvallës dhe Kadri Zekës që dhanë gjithçka për lirinë”, ka shkruar Konjufca./teve1.info/
