Kryetari i Kuvendit të Kosovës, Glauk Konjufca, ka thënë se nuk dyshon në orientimin dhe qëndrueshmërinë kombëtare të shefes së Grupit Paralamnetar të Lëvizjes Vetëvendosje, Mimoza Kusari- Lila.
Konjufca ka thënë se nuk ka dyshim për tradhti kombëtare nga Kusari- Lila, kur është pyetur për bisedën e saj me ish-nënkryetarin e Listës Serbe, Milan Radoiçiq.
Ai ka thënë se më shqetësuese është ajo çfarë po ndodhë për një bisedë që është publikuar edhe më parë, e tash po ndahen sekuenca për qëllime të dikujt.
“Nuk kam asnjë dyshim në orientimin dhe qëndrueshmërinë kombëtare të zonjës Kusari- Lila. Pra nuk kam asnjë dyshim për tradhti kombëtare apo çfarë do natyre. Mund ta quani gabim a po pakujdesi e saj, mirëpo sa i përket kësaj se çfarë më tregon mu që është vazhdimësi i tjerrjes së një rasti që është publiku para 7-8 muajve, vetëm tash po publikohen sekuenca që po i konvenon dikujt, për mua është më tronditës dhe shqetësues ky ingjinjering që po ndodhë, sesa themeli kombëtar i zonjës Kusari- Lila”, ka thënë Konjufca, pas mbledhjes së Kryesisë së Kuvendit, përcjell teve1.info
Kryetari i Kuvendit thotë se Radoiçiq ka humbur gjithçka në Kosovë, falë përkushtimit të Qeverisë për ti shpartalluar strukturuat e tij kriminale.
“Radoiçi ka humbur gjithçka që ka pasur në Kosovë për shkak të vendosmërisë së Qeverisë për mi shpartallua gjitha strukturat e tij kriminale”, tha Konjufca.
