Pas takimit me kryeministrin e Shqipërisë, Edi Rama, kryetari i Kuvendit të Kosovës, Glauk Konjufca tha se nuk ka acarim të raporteve mes të dyja vendeve, por se preferon ta quaj “lëndim”.
Ai tha se Kosova dhe qytetarët e saj janë lënduar nga anulimi i mbledhje së përbashkët të dy qeverive të paraparë për muajin qershor.
Megjithatë, sipas Konjufcës raportet Kurtit e Ramës nuk janë lënduar deri në atë masë sa të mos takohen.
“Nuk është një acarim, ashtu siç po e quani ju i raporteve, aq sa mos të takohen fare. Ajo si është ndjerë Republika e Kosovës unë po ua shpjegoj, sepse kështu janë ndjerë edhe qytetarët e Kosovës. Unë do ta kisha përdor shprehjen lëndim, kur të lëndon dikush. Ne kemi qenë të lënduar prej analizimit të mbledhjes së qeverive. Por jo aq të lënduar sa mos ta presim fare zotin Rama sepse mendoj se ne gjithmonë duhet të shikojmë nga pikëvështrimi i interesit të kombit tonë”, u shpreh Kjonufca.
Megjithatë ai tha se pret që Kurti e Rama të takohen së shpejti nëse jo sonte.
“Natyrisht kjo do të rregullohet së shpejti. Ata do të takohen mendoj së shpejti, edhe nëse jo sonte”, shtoi ai. /teve1.info/
