Kryetari i Kuvendit të Kosovës, Glauk Konjufca ka marr pjesë në homazhet për nder të jetës dhe veprës së Ismail Kadaresë.
Konjufca tha se Kadare i dha aq shumë kombit shqiptar, e për këtë tha se do të jenë gjithnjë mirënjohës.
“Sot mora pjesë në homazhet në Tiranë, në nderim të jetës dhe veprës së Ismail Kadaresë. Ai i dha aq shumë kombit shqiptar, e për këtë të gjithë do të jemi gjithnjë mirënjohës, ndërsa përmes tij populli shqiptar i dha botës një gjeni të letërsisë, e për këtë do të jemi gjithnjë krenarë, ne dhe brezat që do të vijnë”, ka shkruar Konjufca në Facebook.
Ndryshe, kryeparlamentari tha se vargjet dhe personazhet e tij janë referenca kolektive të mendimit dhe shqisave tona si komb./teve1.info/
