Në një konferencë për media ai tha, se në në një situatë të tillë duhet të veprohet sipas ligjit të Republikës së Kosovës, e që ligji thotë që deputetët e Listës Serbe duhet të zëvendësohen, raporton teve1.info
“Ligji thotë që karakteri i dorëheqjes së tyre është i parevokueshëm, natyra e dorëheqjes së deputetëvve të Listës Serbe kështu që ne do të procedojmë sipas ligjit të Republikës së Kosovës, ligji i Republikës së Kosovës thotë që ata duhet të zëvendësohen”, deklaroi Konjufca.
Ai më tej njoftoi se në vazhdimësi do t’i drejtohet presidentës së vendit, Vjosa Osmani për procedurat e tjera.
“Unë do të t’i drejtohem presidentës së vendit e pastaj procedurat tjera thonë që presidentja i drejtohet KQZ-së të Republikës së Kosovës, e pasaj Këshilli Qëndror Zgjedhor i Republikës së Kosovës i përgjigjet presidentes me propozimet e reja”, tha Konjufca.
Konjufca tutje theksoi se më këto dorëheqje, nuk ka ndodh kurrfarë rrezikimi i rendit të Kushtetutës së Kosovës.
“Krejt çka ka ndodh është një dorëheqje më e madhe sepse nuk kemi pasur një të tillë kurrë në kuvendin e Kosovës. S’ka kurrfarë hendeku kushtetues, me këto dorëheqje s’preket aspak rendi kushtetues i Kosovës. Pse në kuvend përkohësisht do të jenë 110 deputetë, kjo nuk është aspak antikushtetuese, këto i parasheh kushtetua si mundësi dhe i sqaron të gjitha procedura për zëvendësimin e tyre, s’jemi në një krizë kushtetuese. Pas kësaj dorëheqje jemi në procedura normale të zëvendësimit të tyre”, tha Konjufca,
Ndryshe sot, 10 deputetë të Kuvendit të Republikës së Kosovës nga subjekti politik parlamentar Lista Serbe, kanë dorëzuar dorëheqje të parevokueshme.
E kryeministri i Kosovës, Albin Kurti, u ka bërë thirrje serbëve që të mos braktisin institucionet e Kosovës, pasi në këtë mënyrë dobësojnë shërbimet për qytetarët./teve1.info
