Konjufca ka thënë se procesi gjithëpërfshirës i Vettingut është një reformë e domosdoshme për sundimin e ligjit, shkruan teve1.info
“Sot e pata kënaqësinë t’i takoj Kryeministrin e Republikës së Kosovës z. Albin Kurti dhe Ministren e Drejtësisë znj. Albulena Haxhiu, të cilët e dorëzuan në Kuvend dosjen me dokumentet përkatëse për procesin e vetingut në sistemin e drejtësisë. Procesi gjithëpërfshirës i vetingut, siç e kemi theksuar njëzëri, është një reformë e domosdoshme për sundimin e ligjit. Kjo është po ashtu një kërkesë shoqërore e kahmotshme për Kosovën”, ka shkruar Konjufca.
Sipas tij krijimi, votimi dhe implementimi i tij është një hap jetik për mbarëvajtjen e shtetit.
Konjufca theksoi se procesi i Vettingut do ta forcojë sistemin e drejtësisë i cili ndikon në përmirësimin e qytetarëve të Kosovës.
“Krijimi, votimi dhe implementimi i tij është një hap jetik për mbarëvajtjen e shtetit dhe njëra nga reformat më të rëndësishme në sistemin e drejtësisë që e ngrit efikasitetin dhe profesionalizmin. Si i tillë, procesi i vetingut do ta forcojë sistemin e drejtësisë, i cili ndikon drejtpërdrejt në përmirësimin e jetës së qytetarëve të Republikës së Kosovës”, tha ai.