Kryetari i Kuvendit të Kosovës, Glauk Konjufca, i shoqëruar nga deputetët Ganimete Musliu dhe Avni Dehari, kanë pritur sot në takim një delegacion të deputetëve nga Grupi i Miqësisë i Kuvendit të Republikës së Maqedonisë së Veriut, të kryesuar nga kryetari Afrim Gashi.
Bëhet e ditur se në takim u diskutua për aktualitetin politik, zhvillimet rajonale, mbështetjen e ndërsjellë në rrugën e integrimit evropian dhe euroatlantik, si dhe për mundësitë e zgjerimit dhe forcimit të bashkëpunimit ndërparlamentar përmes grupeve të miqësisë.
Në njoftim thuhet se Konjufca i vlerësoi shumë të mira marrëdhëniet e deritashme dypalëshe, duke thënë se popujtkanë lidhje historike dhe duhet t’i kultivojnë edhe më shumë këto lidhje.
Teksa ka kërkuar mbështetjen e Maqedonisë së Veriut për proceset nëpër të cilat i ka përpara Kosova.
“Tutje, kryetari i Kuvendit, nënvizoi se për Republikën e Kosovës është interes vital orientimi auroatlantik i Maqedonisë së Veriut dhe vlerësoi se bashkëpunimi i ngushtë në mes të dyja shteteve i kontribuon zhvillimit të gjithmbarshëm dhe stabilitetit rajonal. Ai po ashtu kërkoi mbështetjen e Maqedonisë së Veriut për proceset nëpër të cilat i ka përpara Kosova”, thuhet në njoftim.
Ndërsa edhe kryetari i Grupit të Miqësisë nga Maqedonia e Veriut Afrim Gashi e ka falënderuar Konjufcën për pritjen dhe ka theksuar se takimet e tilla i shërbejnë fuqizimit të raporteve të ndërsjella, dhe se sipas tij, ka shumë fusha bashkëpunimi me interes për qytetarët shtetet në të cilat do të punojmë.
“Në takim, u ritheksua gatishmëria për thellimin e bashkëpunimit dhe intensifikimin e marrëdhënieve dypalëshe ndërmjet Republikës së Kosovës dhe Republikës së Maqedonisë së Veriut”, thuhet tutje./teve1.info./
