Zëvendëskryeministri i Parë dhe Ministri i Punëve të Jashtme dhe Diasporës i Kosovës, Glauk Konjufca, ka pritur sot në takim prezantues Annu Prattipati, të Ngarkuarën me Punë të Ambasadës së Shteteve të Bashkuara të Amerikës në Kosovë.
Sipas MPJD-së, në këtë takim të parë në detyrën e re, Konjufca ka pranuar urimet nga Prattipati dhe ka zhvilluar një bashkëbisedim të frytshëm, duke shkëmbyer pikëpamje mbi çështjet dhe interesat e përbashkëta ndërmjet Kosovës dhe SHBA-së.
“Gjatë takimit, Konjufca kparaqiti vizionin dhe prioritetet e politikës së jashtme të Ministrisë së Punëve të Jashtme dhe Diasporës nën drejtimin e tij për këtë mandate”, thuhet në njoftim.
Po ashtu, Konjufca dhe Prattipati thuhet se kanë diskutuar edhe për proceset politike pas themelimit të institucioneve të reja, duke theksuar se bashkëpunimi i ngushtë me SHBA-të mbetet një përcaktim i pandryshueshëm i institucioneve të reja.
