Kryetari i Kuvendit të Republikës së Kosovës, Glauk Konjufca, priti sot në takim deputetin e Parlamentit të Suedisë, me prejardhje nga Kosova, Adnan Dibrani.
Sipas njoftimit, në takim u diskutua për zhvillimet aktuale dhe proceset politike nëpër të cilat po kalon Kosova, për arritjet në shumë fusha, si dhe për objektivat dhe sfidat.
“Duke uruar deputetin Dibrani dhe kandidatin Gashi për arritjet e tyre në jetën politike e institucionale të Suedisë, kryetari Konjufca e konsideroi të një rëndësie të veçantë integrimin e bashkëkombasve tanë në jetën publike të vendeve të tjera, ku ata jetojnë dhe veprojnë. Kreu i Kuvendit tha se rasti i deputetëve me prejardhje nga Kosova në Parlamentin e Suedisë dhe i veprimtarëve të tjerë politikë atje, është shembulli më i mirë i këtij integrimi, duke shërbyer njëkohësisht si urë lidhjeje midis vendit ku jetojnë dhe atij prej nga vijnë, përkatësisht Kosovës”, thuhet në njoftim.
Derisa deputeti Dibrani dhe kandidati Gashi e njohën Konjufcën me punën dhe angazhimet e tyre në jetën politike të Suedisë dhe veprimtarinë parlamentare suedeze./teve1.info./
