Përmes një postimi në Facebook, ai bëri të ditur se gjatë takimit i ka shprehur atij mirënjohjen dhe mbështetjen që aktualisht po i jep Austria procesit të integrimit të Kosovës dhe Ballkanit në Bashkimin Evropian.
“Sot, në vizitën time zyrtare në shtetin e Austrisë, pata kënaqësinë që të takohem me kryetarin e Parlamentit, Këshillit Kombëtar të Austrisë, mikun tim z.Ëolfgang Sobotka. Jam thellësisht falënderues për rolin, mbështetjen dhe kontributin që Austria ka dhënë për pavarësinë e Republikës së Kosovës dhe konsolidimin e shtetit tonë që një kohë të gjatë. Shpreh mirënjohjen edhe për mbështetjen që aktualisht Austria po i jep procesit të integrimit të Kosovës dhe rajonit të Ballkanit në Bashkimin Evropian”, shkroi ndër tjerash ai.
Po ashtu, Konjufca u shpreh se kanë nevojë për forcim të bashkëpunimit ndërparlamentar e ndërshtetëror në fusha të ndryshme.
“Kemi nevojë të mëtejshme për forcimin e bashkëpunimit ndërparlamentar dhe ndërshtetëror në fusha të ndryshme me interes dypalësh, e në veçanti për promovimin e biznesit dhe nxitjen e investimeve direkte nga kompanitë austriake në Kosovë. Në këtë mënyrë, do të forcohen edhe më shumë lidhjet historike, miqësore e kulturore midis vendeve dhe popujve tanë”, shkroi ai./teve1.info/
