I mandatuari për kryeministër, Gluk Konjufca ka thënë se nëse nuk do të formohet sot qeveria e re, vendi do të thellohet në krizë.
Ai ka thënë se me formimin e qeverisë, synojnë disa gjëra bazike dhe shmangien e dy palë zgjedhjeve, të cilat nëse do të mbahen ka thënë se do të ishte arrogancë.
“Pa një qeveri të re, vendi ynë e ka të sigurt vetëm një gjë, thellimin e krizës. Përmes themelimit të kësaj qeverie synojmë disa gjëra bazike. Synojmë ta kursejmë Kosovë nga dy palë zgjedhje, do të ishte arrogancë ta qojmë vendin në dy palë zgjedhje”, ka thënë Konjufca gjatë ekspozesë së tij në Kuvend.
Ai ka thënë se si qeveri do të ketë prioritet votimin e buxhetit , marrëveshjet ndërkombëtare, buxhetin për RTK-në e për tri komunat, Prishtinë, Gjilan dhe Zubin Potok.
Konjufca ka thënë se viti i ardhshëm do të jetë me rritje të pagës minimale, investime kapitale.
2026 do të jetë viti i fillimit të transformimit të shëndetësisë, ka thënë ai.
