Nënkryetari i Lëvizjes Vetëvendosje, Glauk Konjufca ka thënë se me qeverisjen e tyre agrokultura po ringjallet e bujqësia po zhvillohet.
Ai kështu është shprehur në një postim në Facebook, ku ka njoftuar se bashkë me kryeministrin Kurti kanë zhvilluar takim me bujqit në Lipjan.
“Bashkë me Kryeministrin Kurti takuam bujqit e Lipjanit. Biseduam për punët që kemi bërë për bujqit dhe bujqësinë gjatë katër viteve të qeverisjes dhe projektet që na presin në mandatin e ardhshëm. 120 mijë bujq kanë përfituar nga masat tona. Me ne, agrokultura po ringjallet, bujku po mbështetet dhe bujqësia po zhvillohet”, ka shkruar Konjufca.
