Gjatë këtij takimi, kryetari Konjufca u shpreh i nderuar që pret në Kuvendin e Kosovës deputetët e Kuvendit të Shqipërisë.
“Ne dëshirojmë që shtetet tona të veprojnë si një trup i vetëm, sepse interesat tona esenciale janë të përbashkëta”, tha ai.
Në njoftimin për media bëhet e ditur se Konjufca theksoi se ka një hapësirë të konsiderueshme për ta thelluar në shumë fusha bashkëpunimin, duke nënvizuar njëherësh domosdoshmërinë e takimeve të rregullta të komisioneve parlamentare në mënyrë që, siç tha ai, të hartojnë projekte të përbashkëta në interes të qytetarëve dhe dy shteteve.
“Klotilda Bushka, kryetare e këtij komisioni, premtoi se Kosova, ashtu si deri më tani, do ta ketë mbështetjen e deputetëve dhe shtetit shqiptar në të gjitha organizatat dhe mekanizmat ndërkombëtar. Ajo po ashtu e njoftoi kryetarin Konjufca për nënshkrimin e marrëveshjes së bashkëpunimit mes të dyja komisioneve parlamentare”, thuhet tutje në njoftim. /Teve1.info/
