Konjufca në këtë takim ka falënderuar ambasadoren Aliferi, për rolin e saj përgjatë mandatit, dhe ka ritheksuar rëndësinë që do të kishte dhe vazhdon ta ketë njohja nga ana e Greqisë.
“Kryetari Konjufca falënderoi ambasadoren Aliferi për rolin e saj përgjatë mandatit si shefe e Zyrës Greke në avancimin e bashkëpunimit bilateral në projekte dhe fusha me interes të përbashkët. Ai po ashtu ritheksoi rëndësinë që do të kishte dhe vazhdon ta ketë njohja nga ana e shtetit grek për integrimin evropian dhe euroatlantik të shtetit tonë”, thuhet në njoftim.
Në këtë takim u shpreh gatishmëria e dyanshme për thellimin e bashkëpunimit dhe fuqizimin e mëtutjeshëm të marrëdhënieve ndërmjet Republikës së Kosovës dhe Republikës së Greqisë.
