Kryetari i Kuvendit, Glauk Konjufca ka bërë thirrje që sa më shpejt të fillojnë hetimet për vdekjen e tre të miturve në Jabllanicë të Gjakovës si pasojë e shembjes së një objekti të pabanuar.
Konjufca po ashtu u ka shprehur ngushëllime familjarëve të viktimave për të cilët ka thënë se lutet që të gjejnë forcën për ta përballuar humbjen e tyre.
“Është e dhimbshme dhe e papërshkrueshme humbja e jetëve të tre të miturve në Jabllanicë të Gjakovës. Bëj thirrje që në kohën sa më të shpejtë të kemi hetim të imtësishëm e të tërësishëm të rastit. Shpreh ngushëllimet e mia për familjarët që humbën më të dashurit e tyre, në këto momente jashtëzakonisht të vështira për ta dhe gjithë shoqërinë tonë, duke u lutur që të gjejnë forcën për ta përballuar këtë humbje kaq të madhe”, ka shkruar ai në Facebook.
