Zëvendëskryeministri i Parë dhe ministri në detyrë i Punëve të Jashtme dhe Diasporës, Glauk Konjufca, ka pritur sot në takim njoftues ambasadoren e re të Konfederatës Zvicerane në Kosovë, Anne-Lise Cattin Hennin.
Sipas njoftimit të MPJD-së, gjatë takimit janë vlerësuar marrëdhëniet ndërmjet Kosovës dhe Zvicrës, si dhe mundësitë për thellimin e mëtejshëm të bashkëpunimit bilateral.
Konjufca ka shprehur mirënjohje për mbështetjen e vazhdueshme të Zvicrës ndaj Kosovës, duke theksuar edhe rolin e rëndësishëm të diasporës kosovare në forcimin e lidhjeve mes dy vendeve.
Në fund të takimit, Konjufca e ka uruar ambasadoren Cattin Hennin për fillimin e mandatit dhe i ka dëshiruar sukses në detyrën e saj./teve1.info/
