Kryetari i Kuvendit të Kosovës, Glauk Konjufca ka kritikuar deputetët e Listës Serbe , të cilit në seancën e së enjtes kishin ardhur në seancë vetëm për tu nënshkruar në mënyrë që të mos humbin mandatet.
Konjufca u është drejtuar deputetëve të Listës Serbe se me këtë veprim po keqpërdorim paratë e taksa paguesve.
Ai pasi ka kërkuar nga ta largohen nga Kuvendi, ka mbyllur punimet e seancës.
“Ju drejtohemi deputetëve të Listës Serbe. Është vërtet e pa tolerueshme dhe padrejtë kjo sjellje. Një herë në gjashtë muaj vini në Kuvendin e Republikës së Kosovës vetëm për me i keqpërdor paratë e taksapaguesve, në anën tjetër e luftoni Republikën e Kosovës me çdo mjet që keni. Shkoni dhe i rrini gatitur shefin tuaj kriminel, Radoiçiqin dhe keni guxim me ardhur në Kuvendin e Kosovës. Trup të keni, ndërpritet kjo seancë dhe kërkoj që të lironi Kuvendin e Kosovës”, tha ai.
Deputetët e LVV-së nuk i lejojnë anëtarët e Listës Serbe që të marrin pjesë në seancën plenare
