Kryeministri në detyrë i Kosovës, Albin Kurti ka pranuar letër nga kongresisti republikan i Shteteve të Bashkuara të Amerikës, Michael Laëler.
Në këtë letër, kongresisti e ka falënderuar kryeministrin për takimin që bashkë-zhvilluan në New York në shtator të këtij viti.
Ai theksoi se mbështetja për Kosovën në Kongresin e Shteteve të Bashkuara të Amerikës mbetet e fortë dhe dypartiake.
“Veprimet e fundit legjislative, duke përfshirë miratimin e Ligjit për Autorizimin e Mbrojtjes Kombëtare për vitin fiskal 2026, nënvizojnë përkushtimin e vazhdueshëm të Amerikës ndaj së ardhmes euro-atlantike të Kosovës. Këto përpjekje janë të domosdoshme për promovimin e stabilitetit afatgjatë, sigurisë dhe sundimit të ligjit në mbarë Ballkanin Perëndimor”, thuhet në letrën e kongresisti Laëler.
Ai i shprehu urimet e tij kryeministrit dhe familjes së tij në këtë sezon festiv, dhe deklaroi se mezi pret që të vazhdoj bashkëpunimin e ngushtë dhe angazhimin konstruktiv vitin e ardhshëm.
Ndryshe, Kurti dhe kongresisti Laëler ishin takuar në Neë York në fund të muajit shtator, gjatë qëndrimit të kryeministrit në Shtetet e Bashkuara të Amerikës. Kongresisti Laëler, njëherësh është edhe anëtar i Komitetit për Punët të Jashtme në kongresin amerikan./teve1.info/
