Në njoftimin për media nga Zyra e Kryeministrit thuhet se në takimin e Kurtit me Meeks, u ritheksua rëndësia e raporteve dhe marrëdhënies ndërmjet Kosovës dhe Shteteve të Bashkuara të Amerikës.
“Gjatë takimit u diskutua për pasojat për sigurinë e kontinentit të Evropës pas agresionit ushtarak rus në Ukrainë dhe për rrezikun që ndikimi rus në Ballkanin Perëndimor paraqet për paqen dhe stabilitetin në rajon”, është bërë e ditur në njoftim.
Sipas njoftimit, kongresisti Meeks ka thënë se Serbia duhet t’i pranojë krimet në Kosovë dhe ta njohë Republikën e Kosovës.
“Ai tha se marrëdhëniet me Kosovën janë shumë të rëndësishme për Shtetet e Bashkuara të Amerikës”, thuhet më tej në njoftim.
Kryeministri Kurti e falënderoi kongresistin Meeks për qëndrimet dhe mbështetjen ndaj Kosovës dhe e ftoi që ta vizitojë Kosovën. /teve1.info/
