Kryeministri i Malit të Zi, Dritan Abazoviq, pas takimit me kryeministrin e Shqipërisë, Edi Ramën, ka treguar se kanë pasur një takim të gjatë, ku kanë diskutuar për investimet dhe përpjekjet për qëllimin e de-eskalimit të situatës në rajon.
Aboziviq ka thënë se as për Kosovën as për Serbinë nuk është i mirë konflikti politik me ndërkombëtarët.
Sipas Abazoviqit, Kosova dhe Serbia duhet të qëndrojnë në marrëveshjen për normalizimin e raporteve, e arritur sipas planit franko-gjerman, për të cilin palët janë pajtuar në fund të shkurtit në Brukselit.
“Unë mendoj që çdo konflikt, qoftë ai politik, me ndërkombëtarët, nuk është i mirë as për Kosovën, as për Serbinë, por as për rajonin. Mendoj është harxhuar një energji e madhe, një kohë e madhe për deri te një propozim. Ai propozim ndoshta nuk është perfekt, por është i mirë. Dhe mendoj se do të ishte mirë me shku drejt firmosjes së asaj marrëveshje. Dhe, mendoj se ai kishte qenë një boost i mirë për krejt rajonin, që më në fund jemi duke rënë dakord për diçka, e jo që jemi gjithçka më larg një marrëveshjes”, ka thënë Abazoviq gjatë konferencës në Podgoricë.
Tutje kryeministri malazez tha se në Malin e Zi është i mirëpritur çdo kryeministër i çdo vendi, shkruan TCh.
“Në Malin e Zi gjithmonë është i mirëpritur jo vetëm ai por çdo kryeministër që vjen në vend. Ne kemi qëllim të gjenerojmë sa më shumë paqe e stabilitet për rajonin”, tha Abazoviq.
