Policia e Kosovës ka njoftuar se në një aheng familjar në Vushtrri ishin dëgjuar të shtëna me armë zjarri, ku si pasojë e kësaj është konfiskuar një armë.
“Me të pranuar informacionin janë ndërmarrë veprime policore, ku pas një kohe të shkurtër në rrugën ,,Ana Lin ” në Vushtrri është identifikuar vendi ku në një aheng familjar ishin dëgjuar të shtënat, në cilësi të provave materiale është konfiskuar një armë e shkurt e llojit pistoletë dhe gjashtë (6) gëzhoja”, thuhet në njoftim.
Sipas PK-së, një 66-vjeçar dyshohet se ka shtënë me armë.
Në cilësi të të dyshuarit është intervistuar Xh. A.,66 vjeçar, shtetas i Republikës së Kosovës, i cili dyshohet se ka shtënë me armë. Pas intervistimit me urdhër të prokurorit të rastit, i dyshuari është liruar në procedurë të rregullt, ndaj tij është iniciuar rast për veprat penale ‘Mbajtje në pronësi, kontroll apo në posedim të paautorizuar të armëve’ dhe ‘Përdorim i armës’”, thuhet më tej në njoftimin e Policisë. /teve1.info/
