Policia Kufitare e Kosovës në fshatin Mjak në kufirin mes Kosovës dhe Maqedonisë së Veriut, ka sekuestruar 400 gramë duhan, kurse në dy lokacione në veri të Kosovës ka konfiskuar produkte higjienike, pije dhe ushqime.
Policia ka sekuestruar lloje të ndryshme të duhanit.
“Duhan i papërpunum 8 thas me nga 10 kg, duhan i llojit Malboro 250 pako x 0.5 kg, duhan i llojit Sobrani 250 pako x 0.5 k, duhan i llojit Oriental 75 pako x 0.5 kg, duhan i llojit Davidov 225 pako x 0.5 kg, duhan i llojit Slims 25 pako x 0.5 kg, duhan i llojit Virginia 100 pako x 0.5 kg”, thuhet në njoftimin e PK-së.
Policia ka bërë të ditur, se është gjetur edhe një automjet me targa të Serbisë, i cili dyshohet se ishte në vëzhgim të rrugës gjatë kontrabandimit të mallrave.
“Gjatë kontrollit nga Policia janë gjetur edhe dy (2) radiolidhje të cilat dyshohet se kontrabanduesit i kanë përdorë për qëllime komunikimi gjatë aktiviteteve të tyre ilegale.
“Radiolidhjet dhe malli janë konfiskuar, malli mbetet për tu vlerësuar në bashkëpunim me Doganën e Kosovës, përderisa në koordinim me prokurorin rasti është iniciuar në procedurë të rregullt”, thuhet në njoftim.
Ndërsa, një rast tjetër ka ndodhur në fshatin Turiqicë ku dyshohen se 6 persona kanë kryer vepër penale “kalim të paautorizuar të vendkalimeve apo vijës kufitare”, policia thotë se personat e dyshuar kishin për qëllim prerjen e drunjve dhe më pas kontrabandimin e tyre në territorin e Kosovës.
“Me datë 29.10.2023, Policia Kufitare ka pranuar informacionet se disa persona të dyshuar përmes vijës kufitare në fshatin Turiqicë, kanë kryer me automjete/traktor “kalim të paautorizuar të vendkalimeve apo vijës kufitare.
Pas angazhimeve operative policore nga Njësia e përbashkët kufitare rajoni-Veriu, ka arrit të ndaloj një kaminonetë VW, një Golf 4 dhe një traktor”, thuhet në njoftim./teve1.info/
