Policia e Kosovës ka bërë të ditur se mbrëmë në një fshat të Gjakovës janë konfiskuar mbi 35 kilogram marihuanë.
Sipas një njoftimi, aksioni është zhvilluar pas një hetimi rreth tremujor.
Operacioni i koduar “Mali” ka përfunduar me arrestimin e një personi të dyshuar për “shitblerje të paautorizuar të narkotikëve”.
Policia ka thënë se gjatë kontrollit në shtëpinë e të dyshuarit J.B., (1974), janë gjetur dhe konfiskuar 32 paketime me lëndë narkotike (dyshohet të jetë marihuanë), me peshë 35 kg e 581 gr., një peshore digjitale, një telefon, një veturë e dëshmi tjera relevante për rastin.
Policia ka arrestuar një të dyshuar, i cili është intervistuar dhe ndaj tij është iniciuar rasti ‘blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge’. Me aktvendim nga prokurori, i dyshuari është dërguar në mbajtje deri në 48 orë./teve1.info/
