Konfiskohen mbi 1200 fishekë në një shtëpi të braktisur Rudine të Zveçanit

Policia ka hasur në një sasi të municionit në një shtëpi të braktisur në fshatin Rudine të Zveçanit.

Organi i zbatimit të ligjit ka bërë të ditur se ka gjetur dhe konfiskuar dy qese me mbi 1200 fishekë.

“Në vendngjarje kanë dalur edhe njësia e Hetimeve dhe Forenzikës nga DRP Mitrovicë Veri, e cila ka bërë ekzaminim e vendit të ngjarjes si dhe konfisikimin e municionit të dyshuar. Lidhur me rastin është njoftuar edhe prokurori kompetent me urdhër të të cilit rasti i kalohet njësive përkatëse policore nga DRP Mitrovicë Veri për procedurat e mëtejme hetimore”, thuhet në njoftimin e policisë.