Policia pas informacioneve për të shtëna me armë zjarri kanë reaguar ku në fshatin Runik të Sekenderajt dhe në fshatin Nadakovc të Vushtrrisë kanë konfiskuar dy armë të llojit pistoletë, tetë fishe dhe katër gëzhoja të cilat sipas Policisë janë përdorur në ahengje familjare.
“Në orët e mbrëmjes së datës 26 korrik 2022, njësitet policore në Skenderaj dhe në Vushtrri kanë reaguar në dy lokacione ku kishte informacione për të shtëna me armë në ahengje. Informacione për të shtëna ishin raportuar në fshatin Runik të Skenderajt dhe në fshatin Nadakovc të Vushtrrisë, si rezultat i reagimit të shpejtë të njësive policore ka rezultuar që në dy lokacionet të konfiskohen dy armë të llojit pistoleta, tetë fishek dhe katër (4) gëzhoja, të cilat dyshohet se janë përdorur në ahengje familjare”, thuhet në njoftim.
Policia ka bërë të ditur se në lidhje me këtë rast janë arrestuar dy persona të cilët dyshohet që kanë përdorur armët në ahengje familjare, ndërsa pas intervistimit të dyshuarit janë liruar në procedurë të rregullt.
Ndaj tyre janë iniciuar raste për veprën penale ‘përdorim i armës’ dhe ‘mbajtje në pronësi , kontroll të paautorizuar të armës’./teve1.info
