Qendërmbrojtësi Ardian Ismajli, përfundimisht nuk do të jetë në dispozicion të selektorit Sylvinho për ndeshjen kundër Anglisë.
Edhe pse udhëtoi me Shqipërinë në Londër, testet mjekësore kanë konfirmuar mungesën e Ismajlit për këtë përballje.
Ismajli ka shfaqur probleme muskulore në grumbullimin e Shqipërisë, duke e lënë të përgjysmuar repartin e mbrojtjes.
Kështu që, alternativat e Sylvinhos për qendërmbrojtës janë Berat Gjimshiti, Arlind Ajeti e Enea Mihaj.
Ndeshja Angli – Shqipëri, luhet të premten prej orës 20:45 në stadiumin “Wembley” dhe i takon kualifikimeve për Kupën e Botës 2026.
