Për tre vjetorin e vdekjes së ish ambasadorit dhe ish kryetarit të Bashkësisë Islame, Rexhep Bojës, BIK-u organizoi konferencë shkencore. Nga përfaqësues të institucioneve vendore e të huaja, u vlerësua lartë veprimtaria e Bojës në fusha të ndryshme.
Nën organizimin e Bashkësisë Islame, u mblodhën për të kujtuar ish prijësin e këtij institucioni.
Në një konferencë shkencore dy ditore, do të kujtohen gjithë veprimtaritë e tij në jetën publike.
Një përmbledhje të punës së tij, e bëri Myftiu i Kosovës.
Edhe nga Bashkësia Islame në Maqedoninë e Veriut, u vlerësua puna e Bojës.
Vlerësime pati edhe për punën e ish Myftiut Boja në Turqi.
“Në këto vite të trazuara, ai ishte fytyra e buzëqeshur e Kosovës në botën myslimane, një njeri i moderuar, gojëmbël. Njohja e mirë e gjuhës arabe, përveç talenteve të tjera, e bën atë një folës elokuent që ishte një vizitor i mirëpritur në shumë vende arabe. Në Turqi dhe veçanërisht në Stamboll, ai nuk ishte një i huaj. Ai ishte njëri prej nesh.”, deklaroi ish sekretari i OBI-së, Ekmeleddin Ihsanouglu.
E për veprimtarinë e tij si ambasador, u kujtua nga bartës e ish bartës të institucioneve të vendit.
Mirënjohës për këto vlerësime u shprehë familja Boja.
Kjo konferencë do të vazhdojë edhe të shtunën.
